1ܣܵܒܵܒ ܕܐܵܗܵܐ ܘܵܓ̰ܸܒ ܝܼܠܵܗ̇ ܕܙܵܘܕܵܐ ܗܵܘܵܚ ܗܸܫܝܵܪ ܒܡܸܢܕܝܼܵܢܹ̈ܐ ܕܫܡܸܥܠܲܢ؛ ܕܠܵܐ ܪܵܚܩܵܚ (ܡܸܢܵܝܗܝ ). 2ܣܵܒܵܒ ܐܸܢ ܗܹܡܸܙܡܵܢ ܕܗܘܼܡܙܸܡܬܵܐ ܗ݇ܘܵܐ ܒܝܼܸܕ ܡܲܠܲܐܟܼܹ̈ܐ ܗَܘܹܐܠܵܗ̇ ܩܘܝܼܬܵܐ؛ ܘܟܠ ܥܒܼܵܪܬܵܐ (ܥܲܠܘܼܗ̇) ܘܠܵܐ ܡܲܨܝܲܬܬܵܐ ܩܘܼܒܸܠܵܐ ܦܪܲܥܝܵܐ ܒܗܵܩܘܼܬܵܐ؛ 3ܕܵܐܟܼܝܼ ܐܲܚܢܲܢ ܒܸܬ ܥܵܪܩܵܚ؛ ܐܸܢ ܡܲܣܠܵܚ ܠܗܲܕܟܼܵܐ ܦܘܼܪܩܵܢܵܐ؛ ܐܲܝܢܝܼ ܕܫܘܼܪܹܠܹܗ ܒܝܼܸܕ ܡܵܪܲܢ ܠܸܦܝܵܫܵܐ ܗܘܼܡܙܸܡܵܐ؛ ܘܡ̣ܢ ܕܐܵܢܝܼ ܕܡܸܢܹܗ ܫܡܸܥܠܗَܘܿܢ ܦܸܫܠܹܗ ܡܘܼܩܘܝܼܵܐ ܐܸܠܲܢ؛ 4ܟܲܕ ܒܝܼܵܗ݇ܒܼܵܐ ܣܵܗܕܘܼܬܵܐ ܥܲܡܵܝܗܝ ܐܲܠܵܗܵܐ ܢܝܼܫܲܢܩܹ̈ܐ ܘܒܥܵܓ̰ܸܒ̈ܘܵܬܵܐ ܘܒܚܲܝ̈ܠܹܐ ܬܵܗܵܪܹ̈ܐ ܬܵܗܵܪܹ̈ܐ؛ ܘܒܚܲܠܥܲܬܹ̈ܐ ܕܪܘܼܚܵܐ ܕܩܘܼܕܫܵܐ؛ ܐܲܝܟܼ ܪܸܙܵܝܵܐ ܕܓܵܢܹܗ. 5ܣܵܒܵܒ ܠܵܐ ܠܡܲܠܲܐܟܼܹ̈ܐ ܙܘܼܒܛܸܢܹܐ ܥܵܠܡܵܐ ܕܐܵܬܹܐ؛ ܕܒܵܗ݇ܣܹܗ ܗܲܡܙܘܼܡܹܐ ܝܘܵܚ. 6ܐܸܠܵܐ ܚܲܕَ ܣܗܸܕܠܹܐ ܒܚܕܵܐ ܕܘܼܟܵܐ ܒܹܐܡܵܪܵܐ؛ ܡܘܼܕܝܼ ܝَܠܵܗ̇ ܐ݇ܢܵܫܵܐ ܕܕܵܟܼܪܸܬ ܠܹܗ؛ ܘܒܲܪܢܵܫܵܐ؛ ܕܣܲܚܒܸܪܸܬ ܠܹܗ؛ 7ܡܘܼܟܸܦܠܘܼܟܼ ܐܸܠܹܗ ܚܲܕَܟ̰ܵܐ ܡ̣ܢ ܡܲܠܲܐܟܼܹ̈ܐ؛ ܒܬܸܫܒܘܿܚܬܵܐ ܘܐܝܼܩܵܪܵܐ ܒܘܼܢܦܸܪܘܼܟܼ ܐܸܠܹܗ؛ ܘܡܘܼܬܸܒܼܠܘܼܟܼ ܐܸܠܹܗ ܥܲܠ ܦܘܼܠܚܵܢܵܐ ܕܐܝܼܕܘܼ̈ܟܼ؛ 8ܘܟܠ ܡܸܢܕܝܼ ܙܘܼܒܛܸܢܘܼܟܼ ܬܚܘܿܬ ܐܲܩܠܘܼ̈ܗܝ. ܣܵܒܵܒ ܒܗ̇ܝ ܕܟܠ ܡܸܢܕܝܼ ܙܘܼܒܛܸܢܹܐ ܐܸܠܹܗ؛ ܠܵܐ ܫܒܸܩܠܹܗ ܡܸܢܕܝܼ ܕܠܹܐ ܝܠܹܗ ܙܘܼܒܛܸܢܵܐ. ܐܝܼܢܵܐ ܐܵܕܝܼܵܐ ܗܹܫ ܠܹܐ ܝܘܵܚ ܒܸܚܙܵܝܵܐ ܟܠ ܡܸܢܕܝܼ ܙܘܼܒܛܸܢܵܐ ܐܸܠܹܗ. 9ܐܝܼܢܵܐ ܗ̇ܘ ܕܦܸܫܠܹܗ ܡܘܼܟܸܦܵܐ ܚܲܕَܟ̰ܵܐ ܡ̣ܢ ܡܲܠܲܐܟܼܹ̈ܐ ܒܸܚܙܵܝܘܼܗܝ ܝܘܵܚ؛ ܕܝܼܠܹܗ ܝܼܫܘܿܥ؛ ܣܵܒܵܒ ܕܚܲܫܵܐ ܕܡܵܘܬܹܗ؛ ܒܘܼܢܦܸܪܵܐ ܒܬܸܫܒܘܿܚܬܵܐ ܘܐܝܼܩܵܪܵܐ؛ ܕܒܫܵܦܵܩܲܬܹܗ ܕܐܵܠܵܗܵܐ ܡܒܵܕܵܠ ܕܟܠ ܐ݇ܢܵܫܵܐ ܛܵܥܸܡ ܡܵܘܬܵܐ. 10ܣܵܒܵܒ ܕܚܫܝܼܚܬܵܐ ܗ݇ܘܵܐ ܠܗ̇ܘ ܕܟܠ ܐܸܠܹܗ ܘܟܠ ܒܝܼܹܗ؛ ܟܲܕ ܪܵܒܵܐ ܒܢܘܼܢܹ̈ܐ ܡܘܼܥܒܼܸܪܹܗ ܠܬܸܫܒܘܿܚܬܵܐ؛ ܕܠܪܹܫܵܐ ܕܦܘܼܪܩܵܢܵܝܗܝ ܒܝܼܸܕ ܚܲܫܹ̈ܐ ܡܲܟܡܸܠ ܗ݇ܘܵܐ ܠܹܗ. 11ܣܵܒܵܒ ܗ̇ܘ ܕܩܵܕܘܿܫܹܐ ܝܠܹܗ؛ ܘܐܵܢܝܼ ܕܦܝܵܫܵܐ ܝܢܵܐ ܩܘܼܕܫܹܐ؛ ܡ̣ܢ ܚܲܕَ ܝܼܢܵܐ ܟܠܵܝܗܝ. ܣܵܒܵܒ ܕܐܵܗܵܐ ܠܵܐ ܢܚܸܦܠܹܐ ܕܩܵܪܹܐ ܗ݇ܘܵܐ ܠܗ݇ܘܿܢ؛ ܐܵܚܘܿܢܘܵܬܘܼ̈ܗܝ؛ 12ܟܲܕ ܐܵܡܸܪ؛ ܒܸܬ ܗܵܩܸܢ ܫܸܡܘܼܟܼ ܠܐܵܚܘܿܢܘܵܬܝܼ̈؛ ܒܓܵܘܵܗ̇ ܕܥܹܕܬܵܐ ܒܸܬ ܫܵܒܚܸܢܘܼܟܼ. 13ܘܡܸܢَܕܪܸܫَ؛ ܐܵܢܵܐ ܒܸܬ ܕܵܪܸܢ ܗܹܒܼܝܼ ܥܲܠܘܼܗܝ. ܡܸܢَܕܪܸܫَ؛ ܗܵܐ؛ ܐܵܢܵܐ ܘܒܢܘܿܢܹ̈ܐ ܫܲܪܘܼܟܹܐ ܝܢܵܐ ܒܒܸܣܪܵܐ ܘܕܸܡܵܐ؛ ܐܘܼܦ ܗ̇ܘ ܒܗ̇ܝ ܕܡܘܼܬܵܐ ܫܘܼܪܸܟܠܹܐ ܗܲܪ ܒܐܲܢܹܐ؛ ܕܒܡܵܘܬܹܗ ܒܵܛܸܠ ܗ݇ܘܵܐ ܠܗ̇ܘ ܕܐܝܼܬ ܠܹܗ ܗܘܼܟܡܵܐ ܕܡܵܘܬܵܐ؛ ܕܝܼܠܹܗ ܐܵܟܹܠܩܲܪܨܵܐ؛ 15ܘܫܵܪܹܐ ܗ݇ܘܵܐ ܠܐܵܢܝܼ ܕܒܙܕܘܼܥܬܵܐ ܕܡܵܘܬܵܐ ܒܟܠܵܝܗܝ ܚܲܝܵܝ̈ܗܝ ܙܘܼܒܛܸܢܹܐ ܗ݇ܘܵܘ ܠܪܹܓܘܼܬܵܐ. 16ܣܵܒܵܒ ܒܬܪܘܼܨܬܵܐ ܠܵܐ ܠܡܲܠܲܐܟܼܹ̈ܐ ܕܒܸܩܠܹܐ؛ ܐܸܠܵܐ ܡ̣ܢ ܙܲܪܥܹܗ ܕܐܲܒܼܪܵܗܵܐܡ ܕܒܸܩܠܹܐ. 17ܣܵܒܵܒ ܕܐܵܗܵܐ ܚܫܝܼܚܬܵܐ ܗ݇ܘܵܐ ܕܒܟܠ ܡܸܢܕܝܼ ܦܵܝܸܫ ܗ݇ܘܵܐ ܡܘܼܕܡܝܼܵܐ ܠܐܵܚܘܿܢܘܵܬܘܼ̈ܗܝ؛ ܕܗܵܘܹܐ ܗ݇ܘܵܐ ܓܘܼܪܵܐ ܕܟܵܗܢܹ̈ܐ ܡܪܲܚܡܵܢܵܐ ܘܡܗܘܼܡܢܵܐ ܒܡܸܢܕܝܼܵܢܹ̈ܐ ܕܠܟܸܣ ܐܲܠܵܗܵܐ؛ ܕܥܵܒܸܕ ܚܘܼܣܵܝܵܐ ܥܲܠ ܚܛܝܼܵܬܹ̈ܐ ܕܛܵܝܸܦܵܐ. 18ܣܵܒܵܒ ܒܗ̇ܝ ܕܗ̇ܘ ܩܘܼܒܸܠܹܗ ܚܲܫܵܐ ܘܦܸܫܠܹܗ ܓ̰ܘܼܪܒܵܐ؛ ܟܹܐ ܡܵܨܹܐ ܕܗܲܝܸܪ ܠܐܵܢܝܼ ܕܦܵܝܫܝܼ ܓ̰ܘܼܪܒܹܐ.